通常我走入影視店租DVD，1st choice係我好想睇但無時間入戲院睇的戲，2nd choice係曾獲獎或提名的，3rd choice才是朋友的口碑推介或影評推介。＜酒佬日記＞是屬於我的2nd choice，它曾在獨立電影精神頒獎禮上獲最佳電影、導演、男主角、男配角、女配角及劇本6個獎。

顧名思義，《酒佬日記》講的是酒佬，我酒量很淺，對紅酒不熟悉，老實講，興趣已經減了一截，不過據聞此電影平淡而寫實，總會有點得著吧。

劇情以日記形式交待，由於兩個主角都是麻甩佬，影片道盡了男人（尤其是中年）的心態：去酒莊品酒 +　打golf　＋ 偷食。我想鐘意飲紅酒的男人一定會看得津津有味。對我來說，未算太悶，下半部加入了兩個女主角後，節奏比較快。不過昨晚看完《大丈夫》又係講男人去滾，哎，真係有點膩了。